வீடியோ பிரியர்களுக்கான இணையதளம்

வீடியோ காட்சிகளை பார்த்து ரசிக்க எத்தனையோ வழிகள் இருக்கின்றன.வீடீயோ கோப்புகளின் உறைவிடமான யூடியூப்பில் துவங்கி இவற்றில் இடம்பெறும் வீடியோ காட்சிகளை தேட உதவும் வீடியோ வலைவாசல்களும் அதிகம் இருக்கின்றன.
இந்த வரிசையில் புதியதொரு இணையசேவை அறிமுகமாகியுள்ளது.விசிட்டட் என்னும் பெயரிலான அந்த தளத்தின் சிறப்பம்சம் என்னெவென்றால் இணையவாசிகள் தங்கள் மனநிலைக்கு ஏற்ற வீடியோ காட்சிகளை சுலபமாக தேடி கண்டுபிடிக்கலாம் என்பதே.அதிலும் ஒற்றை குறிச்சொல் உத‌வியோடு அழ‌காக தேட‌லில் ஈடுப‌ட‌லாம்.
இந்த‌ த‌ள‌த்தில் இட‌ம்பெற்றுள்ள‌ வீடியோக்க‌ள் ந‌கைச்சுவை,பிர‌ம்பிப்பான‌வை,சுவார‌ஸ்ய‌மான‌வை,ர‌ம்ய‌மான‌வை என‌ ப‌ல‌ வ‌கையான‌ குறிச்சொற்க‌ளின் கீழ் வீடியோ காட்சிக‌ள் வ‌ரிசையாக‌ இட‌ம் பெற்றுள்ள‌ன‌.உங்க‌ளுக்கு எந்த‌ வ‌கையான‌ வீடியோ காட்சிக‌ளை காண‌ விருப்ப‌மோ அவ‌ற்றை கிளிக் செய்து பார்த்துக்கொள்ள‌லாம்.
அப்ப‌டியோ யாம் பெற்ற‌ இன்ப‌ம் பெறுக‌ இவ்வைய‌க‌ம் என‌ அந்த‌ காட்சிக‌ளை ந‌ண்ப‌ர்க‌ளோடும் ப்கிர்ந்து கொள்ள‌லாம்.பேஸ்புக் ம‌ற்றும் டிவிட்ட‌ர் வ‌ழியே வீடியோ காட்சிக‌ளை ப‌கிர்ந்து கொள்வ‌தற்கான‌ வ‌ச‌தி ஒவ்வொரு வீடியோ கோப்புட‌னும் இணைக்க‌ப்ப‌ட்டுள்ள‌து.
ஒவ்வொரு கோப்புக்கும் சுறுக்க‌மான‌ அறிமுக‌ குறிப்பும் இட‌ம் பெற்றுள்ள‌ன‌.இணைய‌வாசிக‌ள் அதிக‌ம் பார்த்து ர‌சித்த‌ காட்சிகளின் அடிப்ப‌டையில் மிக‌வும் பிர‌ப‌லாமான‌ குறிச்சொற்க‌ளும் கொடுக்க‌ப்பட்டுள்ள‌து. அவ‌ற்றை கிளீக்ச் எய்தும் பார்க்க‌லாம் .ர‌சிக்க‌லாம்.இதே போல ஏதாவ‌து குறிச்சொல்லை வைத்து பொருத்த‌மான‌ வீடியோ காட்சிக‌ளை தேட‌வும் செய்ய‌லாம்.
வீடியோ காட்சிக‌ளை பார்த்து ர‌சித்த‌தும் அவ‌ற்றுக்கு வாக்க‌ளிக்க‌ முடியும் என்ப‌து கூடுத‌ல் சிற‌ப‌ம்ச‌மாகும்.அந்த‌ வ‌கையில் அதிக‌ வாக்குக‌ளை பெறும் காட்சிக‌ள் முக‌ப்பு ப‌க்க‌த்தில் இட‌ம் பெற்றிருக்கும்.நீங்களும் விருப்ப‌ப‌ட்டால் உங்க‌ளுக்கு பிடித்த‌மான‌ கோப்புக‌ளை இங்கே ச‌ம‌ர்பிக்க‌லாம்.விடியோ கோப்புகளை பார்த்து ரசிக்கவும் பகிர்ந்து கொள்ளவும் செய்தால் மட்டும் போதுமா? அவற்றைபற்றி நறுக்கென்று நாலு வார்த்தை கருத்து சொல்ல வேண்டாமா?அதற்கான வசதியும் உள்ளது.
இப்போது செய்திக‌ள் ம‌ட்டும் க‌ட்டுரைக‌ளை இவ்வித‌ம் இணைய‌வாசிக‌ளே ச‌ம‌ர்பித்து அவ‌ர்க‌ளே வாக்க‌ளித்து முக‌ப்பு பக்க‌த்தில் இட‌ம்பெறசெய்யும் வ‌ச‌தியை டிக் உள்ளிட்ட‌ ப‌ல‌ த‌ள‌ங்க‌ள் வ‌ழ‌ங்கி வ‌ருகின்ற‌ன‌.
ஆனால் வீடியோ காட்சிக‌ளுக்கு என்று இத்த‌கைய‌ சேவை முத‌ன் முத‌லாக‌ இப்போது தான் விசிட்ட‌ட் வ‌டிவில் அறிமுக‌மாகியுள்ள‌து. அந்த‌ வ‌கையில் இது ம‌ற்ற‌ வீடியோ தேட‌ல் சேவைக‌ளில் இருந்து முற்றிலும் மாறுப‌ட்ட‌தாக‌ விள‌ங்குகிற‌து.
வீடியோ பிரிய‌ர்க‌ளூக்கு ஏற்ற‌ இணைய‌த‌ள‌ம் என்று இத‌னை த‌ய‌ங்காம‌ல் புக‌ழ‌லாம்.
——-
http://visited.org/